Sámigiella – Nordsamiska

Diehtojuohkin lohkandoarjaga Váidinlávdegotti birra
Álgu
Lohkandoarjaga Váidinlávdegoddi lea stáhtalaš eiseváldi mii geahččala váidalusaid Guovddáš lohkandoarjaga (CSN) mearrádusain go guoská ruhtajuohkimii ja máksingáibádusaide.
Gustovaš lágat eiseválddi doibmii leat lohkandoarjjaláhka (1999:1395), lohkandoarjjanjuolggadus (2000:655) ja njuolggadus (2007:1348) instrukšuvnnain lohkandoarjaga Váidinlávdegoddái.
Eiseválddi webbabáikkis gávdnojit earret eará diehtojuohkin eiseválddi birra, makkár mearrádusaid sáhttá váidalit ja got váidala mearrádusa. Webbabáikkis leat maiddái ovdamearkkat mearrádusain maid Váidinlávdegoddi lea váldán ja diehtojuohkin got oa??u oktavuođa eiseválddiin.

Eiseválddi doaimma birra
Lohkandoarjaga Váidinlávdegotti čállingoddi ráhkkanahtta ja logalda áššiid, doppe leat juste dal sullii guoktelogi bargi ja lea sajáiduvvan Hïernesaandes. Eiseválddi hoavda lea direkteavra mii nammaduvvo ráđđehusas.
Lohkandoarjaga Váidinlávdegoddi gieđahalla sullii 7 000 ášši jagis. Eiseválddis gávdno sierra mearridanorgána, Váidinlávdegoddi mii mearridda prinsihpalaš dehálaš áššiid. Ollu áššit mearriduvvojit eiseváldehoavddas dehe várre eiseváldehoavddas.
Lohkandoarjaga Váidinlávdegoddi galgá geahččalit váidalusaid CSN:a mearrádusain go guoská ruhtajuohkimii ja máksingáibádusaide.
Lohkandoarjaga Váidinlávdegoddi lea alimus instánsa dáidda áššiide, dat mearkkaša ahte ii mana váidit mearrádusa maid lohkandoarjaga Váidinlávdegoddi váldá.

Earenoamáš mearridanorgána čoahkkánasta sullii gávcci geardde jagis ja orgánas leat eiseváldehoavda, ságadoalli, várre ságadoalli ja vihtta áirasa. Eiseváldehoavda, ságadoalli, várre ságadoalli leat fásta duopmárat. Eará áirasiin leat guovttis juristtat, guoktásis leat buorit dieđut studeanttaid dili birra ja ovttan lea earenoamáš áššediehtu oahpahusdoaimma birra. Orgánas leat maiddái várreáirasat.

Váidalit
Gii oa??u váidalit
Lea dušše son geasa mearrádus guoská gii oa??u váidalit ja sus sáhttá leahkit ovddasteaddji dehe váhnen gii váidala. Nubbi eaktu lea ahte mearrádus lea mannan su vuostá.
Maid oa??u váidalit
Okta vel eaktu lea ahte gávdno mearrádus man sáhttá váidalit. Ovdamearkka dihte ii sáhte váidalit
· diehtojuohkindieđáhusaid maid CSN sádde ovdal go ášši lea válbmasit mearriduvvon.
· CSN:a mearrádusaid go guoská buhtadusgáibádussii dehe
· jearaldagaid máksinplána, máksinvuordináiggi ja seammásullásaš áššiid birra.
Dán oktavuođas ferte maiddái namuhit ahte Váidinlávdegoddi lea čielggadan ahte váilo vejolašvuohta mearridit botket ruovttoluottagáibádusáššiid. Ii sáhte ge váidalit visot mearrádusaid maid CSN lea váldán. Ovdamearkka dihte mearrádusaid mat gusket dábálaš lohkandoarjaga ruoktutmáksimii váidojuvvo hálddahusriektái.
Váidalus
Váidalus galgá leahkit čálalaš ja das galgá boahtit ovdan makkár mearrádus váidojuvvo ja got son gii váidala livčče háledan ahte mearrádus rievdaduvvo.
Váidalusas berre maiddái boahtit ovdan:
• mearrádusa beaivemearri
• namma
• persovdnanummir
• čujuhus
• telefovdnanummir
• mobiilanummir
• e-boastačujuhus
Váidalussii biddjojuvvojit áigeguovdilis áššebáhpiriid nugo duođaštusaid ja nu ain. Ii dárbbat bidjat mielde áššebáhpiriid mat juo gávdnojit CSN:as.
Jus son gii váidala ii leat ollen dievas ahkái, de ferte ovddasteaddji namma ja čujuhus boahtit ovdan váidaleamis. Dievas ahkásaš olbmuin geas lea áittardeaddji, ferte bidjat mielddusin fápmudusa.
Váidalus galgá sáddejuvvot CSN:ii golbma vahku siste dan rájis go váidaleaddji oaččui mearrádusa.
Váidalus sáddejuvvo dán čujuhussii:
CSN
Box 488
631 06 Eskilstuna
Go váidalus boahtá galgá CSN johtilit mearridit jus gávdno ágga rievdadit mearrádusa hálddahuslága njuolggadusaid mielde. Dalle go CSN ii muvtte mearrádusa sáddejuvvo váidalus lohkandoarjaga Váidinlávdegoddái ovttas áššebáhpiriiguin mat gávdnojit áššis.
Váidalanskovvi
Ii leat gáibádus geavahit Váidinlávdegotti skovi dalle go váidala.
<< Blankett i WORD-format.doc<< Blankett i PDF-format .pdf

Got ášši johta go lea ollen Váidinlávdegoddái
Go CSN sádde váidinášši lohkandoarjaga Váidinlávdegoddái čálihuvvo ášši sisa ja eiseválddi gieđahalli hoaidá ášši. Váidaleaddji oa??u dieđáhusa ahte váidalus lea ollen eiseváldái ja son oa??u oktavuođadieđuid. Muhtomin čuovvu cealkámuš mas CSN čielggada makkár oaidnu lea váidalussii. Dakkáraš cealkámuš sáddejuvvo álo váidaleaddjái vai son oa??u vejolašvuođa vástidit CSN:a oaiviliid ovdal go Váidinlávdegoddi mearrida áššis. Váidaleaddji sáhttá sáddet reivve dehe e-boasta lávdegoddái ja čielggadit ie?as oaivila.

Mearrádusat áššiin váldojuvvot eiseváldehoavddas, várre eiseváldehoavddas dehe lávdegoddečoahkkimis.

Go mearrádus lea dahkkon, de dat sáddejuvvo váidaleaddjái ja CSN oa??u kopiija mearrádusas vai sáhttá dahkat dan maid mearrádus gáibida.