Álggo Gujddimsiebrreráde låhkåmdoarjjaj la stáhta fábmudahka man ájnnasamos vidno l gähttjalit gujddimijt Guovddelislåhkåmdårjasiebrreráde(CSN) märrádusá låhkåmdårja vaddema ja ruopptotrávkalvisá birra.Fábmudagá doajmmaj la fámon låhkåmdoarjjaláhka (1999:1395), låhkåmdoarjjabiejadus (2000:655) ja biejadus (2007:1348) bagádisájn Gujddimsiebrreráde låhkåmdoarjjaj.Fábmudagá webbabielen gávnnu iehtjádij siegen diededibme fábmudagá birra, makkir märrádusá máhtti gujddiduvvat ja gåktu gujddi märrádusáv. Webbabielle sisanet aj bagádiddje mierredimijt ma li Gujddimsiebrrerádes mierreduvvam ja diededibme birra gåktu fábmudagájn aktavuodav válldá.
Fábmudagá birra
Gujddimsiebrreráde låhkåmdoarjjaj kansliddja, manna dálla li bájken guoklåk bargge ja gávnnu Härnösandan, åvdåsvásstádusáv adná ássjij gárvvidimes ja åvddåjbuktemis. Fábmudagá oajvve l direktörra gut ráddidusás nammaduvvá.Gujddimsiebrreráde låhkåmdoarjjaj giehtadallá bajken 7 000 ássje jahkáj. Fábmudagán gávnnu sierralágásj mierredimorgána, Gujddimsiebrreráde, mij mierret ienep prinsihpalasj ájnas ássjijt. Moadda ássje fábmudakoajves jali viehkke fábmudakoajves mierreduvvi.Gujddimsiebrreráden låhkåmdoarjjaj la vidnon gähttjalit gujddimijt CSN:a märrádusá låhkåmbiednigaj jali låhkåmdårja vaddema gáktuj jali daj dårjaj ruopptotrávkalvisá gáktuj.Gujddimsiebrreráde låhkåmdoarjjaj la alemus instánssa dáj ássjijn, mij merkaj ij la máhttelis gujddit Gujddimsiebrreráde låhkåmdoarjjaj märrádusáv.
Sierralágásj mierredimorgána tjåhkan bájken 8 jahkáj ja l aktijbiejadum fábmudakåjvijn, åvddåulmutjijn, sadjásasj åvddåulmutjijn ja vidájn ietjá ájrrasijn. Fábmudakoajvve, åvddåulmusj ja sadjásasj åvddåulmusj la duobmár. Ietjá ájrrasa li guokta jurista, guovten li sierralágásj diehto låhkkij vidjurijn ja avtan la sierralágásj ássjediehto åhpadushoajdo birra. Sadjásattja gávnnuji aj ájrrasijda.
Gujddit Gut oadtju gujddit
Gesi märrádus guosská, suv åvdåstiddje jali muhtem bále sujttoaddne val oadtju märrádusáv gujddit. Negatijvalasj märrádus la ietjá åvddålbiejadus.
Majt oadtju gujddit
Märrádus majt máhttá gujddit galggá gávnnut la vil åvddålbiejadus. Ij la máhttelis gujddit buojkulvissan
· diededimijt majt CSN rádjá åvddål gå l mierreduvvam, · CSN:a märrádus vahákmáksorávkalvissaj jali · gatjálvisá oassemáksoplána birra, máksema maŋedibme ja sjimuga. Bäggaluvvá aj dán gáktuj vaj Gujddimsiebrreráde dábálasj bargon la buojkodum máhttelisvuohta ij la mierredit hiejtedimev ruopptotrávkalvisássjijn. Ij la ga máhttelis gujddit gájkka märrádusájt majt CSN:a mierret Gujddimsiebrreráden låhkåmdoarjjaj. Märrádus ássjijn låhkåmlåna stuoves ruopptotmáksema birra tjuottjudusriektán gujddiduvvi.
Gujddim
Gujddim galggá tjálalattjat årrot ja galggá gávnnut makkir märrádus gujddiduvvá ja gåktu gujddijiddje sihtá märrádus galggá rievddaduvvat. Gujddimin bierri aj gávnnut:
• biejvve märrádussaj
• namma
• almasjnummar
• årudahka
• telefåvnnpnummar
• mobijllanummar • e-påvsståadrässaGujddimij duoddiduvvá aj máhttelis duoddetjállaga nåv gåk duodastusá, jali ietjá ássjetjállaga majda vuoseduvvá. Ássjetjállaga ma juo gávnnuji CSN:a ássjetjállagin e dárbaha ådåsis rájaduvvát. Jus gujddijiddje l mindigahtes de sadjasattja namma hähttu gujddimin gávnnut. Jus mindik ulmusj sáttakulmutjav viehkken válldá de galggá fábmotjála sáttakulmutjij gávnnut. Gujddim galggá rájaduvvat CSN:aj gålmån vahkon dat biejve rájes gå låhkkåj märrádus diededuváj.Gujddim rájaduvvá:
CSN
Box 488
631 06 Eskilstuna
Gå gujddim la duostodum de CSN galggá råhtot mierredit jus la oarre märrádusáv tjuottjuduslága biejadusáj milta rievddadit. Jus CSN:a ij märrádusáv rievddada de gujddim rájaduvvá Gujddimsiebrrerádáj låhkåmdoarjjaj aktan ássjetjállagij ássjen.
Ássje åvdedibme Gujddimsiebrreráden låhkåmdoarjjaj. Gå gujddimássje l duostodum Gujddimsiebrrerádes låhkåmdoarjjaj CSN:as de dat registarduvvá ja fábmudagá giehtadalle dav dåjmadi. Gujddijiddje oadtju diededimev gujddim la duostodum fábmudagás diedoj aktavuohtamáhttelisvuodaj. Ássjijn muhttijn tjuovvu moalggem manna CSN buojkot ietjas vuojnov gujddimij. Dakkir moalggem agev rájaduvvá gujddijiddjáj vaj bässá vuojnojt vaddet CSN:a vuojnnuj åvddål gå Gujddimsiebrreráde låhkåmdoarjjaj ássje birra mierret. Gujddijiddje máhttá brevav jali e-påvståv rádjat siebrrerádáj ja ietjas vuojnov vaddet…
Fábmudakoajvve jali sadjásasj fábmudakoajvve mierredibá ássjijn jali mierreduvvvi siebrrerádetjåhkanimen.
Gå l ássjen mierreduvvam de mierredibme rájaduvvá gujddijiddjáj ja CSN oadtju märrádusás kopidjav dåjmadittjat ássjev vijdábut.
Diededime birra Gujddimsiebrreráde låhkåmdoarjjaj